Dysgu deffro
Syr Emyr Jones Parry fu'n traddodi Darlith Flynyddol Undeb Cymru a'r Byd eleni.
Bu'n gyfle iddo ddwyn i gof ddarlith arall a draddododd - i griw o filwyr, medda fo.
Ac yntau wedi bod wrthi am ychydig sylwodd fod y rhes flaen yn cysgu'n sownd.
"Gelwais ar y cadeirydd i ymyrryd," meddai gan ychwanegu mai'r unig ateb a gafodd gan hwnnw oedd;
"Chi wnaeth iddyn nhw gysgu a gyda chi mae'r cyfrifoldeb o'u deffro nhw."
Yn ffodus iawn chwarddodd pawb yn y gynulleidfa ddoe - o leiaf doedden nhw ddim wedi syrthio'i gysgu!
