|  |
 |
 |
 |
|
|
|
|
 Ffatri Serch gan Gareth Miles
Adolygiad Luned Gwyn o Ffatri Serch gan Gareth Miles. Gwasg Carreg Gwalch. 拢6.50.
Ar yr olwg gyntaf, nofel yn y traddodiad Mills & Boon yw'r Ffatri Serch ond wedi darllen ychydig dudalennau mae'n amlwg nad nofel ramant gyffredin mo hon!
 Daw hiwmor ffraeth nodweddiadol Gareth Miles i'r amlwg yn enwau cymeriadau fel Myfanwy di Chianti a Gerallt O'Toole.
Mewn ffordd, felly, parodi o nofelau rhamant ystrydebol yw Ffatri serch.
Gorfod dewis
Heb ddifetha'r stori i ddarllenwyr gellir dweud fod y nofel yn canolbwyntio ar fywyd carwriaethol merch landeg a galluog o'r enw Sulwen Huws sy'n gorfod dewis rhwng Gwyndaf ab Sion, Cymro sy'n ymddangos yn selog i Sulwen ac sy'n ceisio achub Ffatri Wlan Cwmbrwynog, sydd wedi bod yn nwylo teulu Sulwen ers blynyddoedd maith, rhag mynd i'r wal, a'r Cymro-Americanwr Llewelyn C. Price IV, sy'n olygus a chyfoethog ac yn mynnu denu llygad Sulwen byth a hefyd.
Mae'n amlwg nad yw'r ddau garwr yn berffaith o bell ffordd gan fod mannau gwan yn eu cymeriadau'n cael eu datgelu'n gelfydd drwy gydol y nofel ond mae'r dewis a wna Sulwen yn ymddangos yn gymharol gall o dan yr amgylchiadau, er mae'n debyg y buasai rhai darllenwyr yn anghytuno!
Diweddglo hapus i gwpwl ifanc felly yn union fel nofel ramant ysgafn ond mae'r tro yng nghynffon hon yn agor y posibilrwydd am Ffatri Serch II yn y dyfodol.
Hiwmor cellweirus
Mae hiwmor cellweirus yr awdur i'w weld yn glir wrth iddo arddangos ei allu i chwarae 芒 geiriau yn ogystal 芒 diddanu'r darllenwr heb wneud iddo deimlo mai nofel gomedi ydyw.
Gwna hyn y nofel hefyd yn hynod ddarllenadwy ac yn anodd i'w rhoi i lawr. Buasai'n ddigon hawdd darllen hon ar un plwc heb i hynny fod yn llafur caled gan fod yr awdur yn llwyddo i wneud i'r stori lifo'n rhwydd mewn iaith naturiol.
Caiff y mwynhad a geir wrth ddarllen y nofel hon ei ategu gan yr enwau clyfar am gymeriadau neu gorfforaethau sy'n bodoli yng Nghymru heddiw megis yr arlunydd enwog Syr Koffin Williams, y cwmni archfarchnadoedd, Basdas, wisgi Ben Doun a phapur Cymry'r America, Y Brych!
Mae'n debyg iawn bod yr awdur wedi cael cryn hwyl wrth feddwl am yr enwau hyn sy'n ychwanegu llawer o hiwmor ysgafn yn fy marn i.
Syniadau gwreiddiol
Crybwyllir nifer o syniadau gwreiddiol a diddorol yn y nofel ac fe fuaswn yn cynghori aelodau o'r Bwrdd Croeso a'r Cynulliad i'w ddarllen er mwyn cael ysbrydoliaeth am ddyfodol y sector twristiaeth yng Nghymru!
Buasai'n syniad iddynt fabwysiadu'r cynlluniau 惭锚-惭锚-辞-搁补尘补', twristiaeth rhyw gyda defaid a ystyriwyd fel ffordd o achub trigolion Cwmbrwynog rhag diweithdra - cynllun beiddgar a dweud y lleiaf!
Er mai ffurf gymharol ystrydebol sydd i'r nofel - y gwr golygus cyfoethog (fel mewn stori dylwyth teg) yn ceisio denu merch dlos a gonest gyda'i bwer a'i gariad - mae dawn Gareth Miles i ychwanegu pytiau o hiwmor sy'n diddanu'r darllenwr yn ei gwneud yn well na'r cyffredin.
Yn sicr, nid sgerbwd o stori a geir yn y Ffatri Serch, y mae'n debycach i berson blonegog a hwyliog wedi dathlu'r 'Dolig!
Nid yw'r nofel hon am gael effaith ysgytwol ar lenyddiaeth Cymru o bell ffordd gan nad yw hi'n nofel fawr ddifrifol sy'n trafod syniadau athronyddol. Nid beirniadaeth mo hynny gan nad dyna fwriad yr awdur ond mae'n bwysig peidio 芒 gor-ddyrchafu'r nofel gan y byddai camarwain darllenwyr.
Eto i gyd, o fewn y cyfyngiadau hyn mae Ffatri Serch yn arddangos gwreiddioldeb, awdur sy'n hollol gyfforddus yn ei grefft a chymeriadau hynod gredadwy.
Mae'n hyfryd gweld nofel ramant nad yw'n rhy sentimental yn yr iaith Gymraeg ond sy'n gallu trafod teimladau a throi at hiwmor er mwyn ychwanegu ysgafnder at y stori.
Heb geisio swnio'n ystrydebol, mae'n rhaid dweud y buasai'r nofel hon wedi gwneud anrheg Nadolig wych i unrhyw un sy'n mwynhau darllen Cymraeg gyhyrog o fewn stori ddiddorol a chyffrous neu'n un i wario tocyn llyfr arni'n awr.
Cliciwch i ddweud beth ydych chi'n feddwl
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 成人论坛 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol