|  |
 |
 |
 |
|
|
|
|
 Sbinia gan Bedwyr Rees
Adolygiad gan Glyn Evans o Sbinia gan Bedwyr Rees. Cyfres Pen Dafad. Y Lolfa. 拢2.95.
Cyfres sy'n amcanu at fod yn feiddgar ar gyfer plant ysgol - os yw'n iawn dal i ddefnyddio'r fath ddisgrifiad o bobl ifainc - ydi Pen Dafad.
Mae'r Lolfa yn disgrifio'r gyfres fel, "un o'r cyfresi darllen  mwya poblogaidd ymhlith yr arddegau" gydag awduron fel Gwyneth Glyn a Bethan Gwanas wedi cyfrannu ati yn ogystal 芒 Bedwyr Rees, awdur y gyfrol ddiweddaraf hon.
Mae'r Lolfa yn dyfynnu un darllenydd yn s么n am y llyfr diweddaraf hwn fel hyn: "Llyfr delfrydol i fechgyn, mae'n llawn castiau gwallgo, o neidio dros blant ar ramps motobeics i wneud 'bomiau piso'. Dwi ddim yn siwr os bydd yr athrawon yn bles."
Does dim amheuaeth nad yw Sbinia yr union beth y byddai rhai oedolion yn dybio y byddai pobl ifainc eisiau'i ddarllen.
Y gwerthiant sy'n mynd i brofi a yw hynny'n iawn.
Yn sicr, mae yma feiddgarwch hwyliog nid yn unig o ran hynny o stori sydd yma a'i digwyddiadau ond yn y sgrifennu hefyd gyda chymariaethau a throsiadau sy'n ymfalchio mewn bod yn amrwd.
Gall cenhedlaeth hynach ddychmygu'r 'plant ysgol' diarhebol yna yn piffian chwerthin. Ond, y dyddiau hyn pan yw iaith yr oriau dof, hyd yn oed, ar deledu mor amrwd mae rhywun yn amau a yw beiddgarwch fel hwn yn feiddgar mwyach.
Ta beth, o'i brawddegau cyntaf mae Sbinia yn sbinio'n garlamus ac yn denu gyda'u hawgrym o dyndra i ddod:
"Mi allach chi ddweud mai Gari oedd pia strydoedd y pentra. Fo oedd arweinydd y criw, y boi caleta yn yr ardal, a fo oedd yn dweud be oedd be.
"Tan i Jones ddod i fyny o dde Cymru."
Gogleddol ydi iaith y sgwennu a'r cymeriadau ar wahan i'r dywededig Jones sy'n herio Gari gydol y nofel fer, 67 dalen.
 Mae' arddull Bedwyr Rees, sy'n amlwg yn mwynhau sgwennu, yn arddull sy'n gweddu i'r dim i stori sy'n cychwyn gyda Gari yn gwneud dwr - mae'r llyfr yn fwy Beiblaidd ac yn defnyddio piso - drwy dwll llythyrau Mrs Hughes Hanes o'r ysgol.
Mi gewch chi hefyd gymhariaethau difyr:
Ei goesa'n mynd fath 芒 milgi ar steroids.
Sb卯d-b么t oedd yn edrych fel tasa fo wedi ei adeiladu gan rywun yn gwisgo menig bocsio.Ac wrth gwrs mae coesa'r ferch ddel yn y stori yn mynd fyny yr holl ffordd i fyny at ei phen 么l - mewn un gair!
Ydi, mae rhywun yn dychmygu'r cesus yn cael hwyl gyda'r gyfrol hon. Gobeithio y bydd hynny'n wir - er y gall rhywun ddychmygu ambell i riant mewn penbleth yn ceisio penderfynu pa un yw'r gwaethaf: gweld eu plant yn darllen dim Cymraeg o gwbl ynteu eu gweld yn darllen nofel Gymraeg fel hon.
Ys dywed y cwestiwn arholiad: Trafodwch. Mae ambell un wedi dechrau'n barod.
Cliciwch i ddweud beth ydych chi'n feddwl
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 成人论坛 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol