|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Dinistr yn y Mwd Dyfan Tudur yn cael ei syfrdanu yn y Babell Roc Er ‘ gwaethaf y glaw a’r mwd ‘roedd yna ddigonedd o fwrlwm ym Mhabell Dinistr brynhawn Mawrth. Efallai nad oedd yna gymaint o grwpiau’n perfformio ddoe, ond ‘roedd yr hyn a welwyd yn y Babell Roc yn syfrdanol. Cerddoriaeth ddawns yn arddull Louisiana mae Cajuns Denbo yn ei gynnig, ac mae hi’n drueni mewn ffordd nad oedd neb yn dawnsio ddoe, gan fod eu caneuon i gyd yn gofyn am ryw fymryn o symud o flaen y llwyfan. Er hynny ‘roedd hi’n amlwg fod pawb wedi mwynhau eu perfformiad, ac yn sicr mi fydd gwerthiant cryno ddisgiau Cajuns Denbo yn cynyddu ar ôl yr hyn a welwy yn Dinistr ddoe. Uchafbwynt y diwnod, serch hynny, oedd ymddangosiad Caban, ac ‘roedd hi’n amlwg nad oedd hogia Llaberis wedi blino yn dilyn noson hwyr ym Maes B, gan eu bod yn llawn bwrlm ac egni fel byddai rhywun yn ei ddisgwyl. Mae gofyn llongyfarch Caban hefyd, gan mai nhw ydi’r rhai cyntaf i lenwi’r Babell Roc eleni, a rhywsut neu’i gilydd mi ddiflanodd y glaw tra ‘roedden nhw’n perfformio hefyd! Dyma grwp sydd yn llwyddo i roi gwên ar wynebau pawb sydd yn gwrando arnynt, gan eu bod yn llawn hwyl o un gân i’r nesaf. Ac o ystyried y cynydd sydd yn eu poblogrwydd ar hyn o bryd, ni fedraf ond rhagweld mai Caban fydd yn cloi gweithgareddau Maes B yn Eisteddfod Genedlaethol Tyddewi ymhen deuddeg mis. At ddydd Mercher, ac mae yna hen edrych ymlaen at Gystadleuaeth y Grwpiau Roc fydd yn cael ei chynnal rhwng un a thri. Cofiwch ddychwely i’r dudalen hon yfory am adroddiad llawn …
| |
 © MMI |
|
|
About the ³ÉÈËÂÛ̳ | Help | Terms of Use | Privacy & Cookies Policy |
