|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Hows-at! - noson hwyliog mewn neuadd Bingo Adolygiad Catrin Jones Bingo Bach yw sioe Theatr Bara Caws yn ystod wythnos yr eis  teddfod
eleni. Mae’n cael ei pherfformio yn Neuadd Bentref Llandyrnog ac yr oeddwn
i yn y perfformiad cyntaf nos Fawrth. Doeddwn i ddim yn gwybod beth i’w ddisgwyl wrth gamu i’r neuadd - wedi’r cyfan, mae Bara Caws yn gwmni arbrofol a’i sioeau mor amrywiol. Doedd wybod beth fyddai gofyn i ni’r gynulleidfa ei wneud. A doedd y sioe hon ddim yn eithriad. Yn y fynedfa rhoddwyd cerdyn bingo i ni. Ar lawr y neuadd wedyn roedd byrddau wedi eu gosod yn union fel mewn neuadd Fingo. Fe’n tywyswyd gan yr actoresau oedd mewn gwisgoedd lliwgar i eistedd wrth y byrddau. Roedd y llwyfan wedi’i osod fel llwyfan bingo a phlatfform yn ymestyn i ganol y gynulleidfa. Wrth i bawb gyrraedd yn raddol roedd y genod yn cynnig paned i ni a chynnig cadw’n cotiau. Dyma greu’r awyrgylch o’r dechrau felly. Roeddwn i yn teimlo fel pe bawn mewn neuadd bingo go iawn. Ddechreuwyd y sioe gyda gêm o Bingo - ffordd effeithiol o dynnu’r gynulleidfa i’r perfformiad o’r dechrau, ac roeddem i weiddi ‘±ô±ð¾±²Ô’ neu ‘³ó´Ç·É²õ’. Roedd hyn yn creu tipyn o hwyl a bwrlwm ac yn ddechrau hwyliog i’r noson. Popeth mewn neuadd Fingo Roedd popeth yn digwydd yn y neuadd fingo. Chawsom ni ddim ein tywys y tu allan i’r pedair wal o gwbwl yn ystod y perfformiad. Os yw drama’n cael ei chanoli mewn un lle yn unig fe all fod yn undonog, ond doedd hyn ddim yn wir am Bingo Bach. Roedd yma ddigon o adloniant i hoelio’n sylw o’r dechrau i’r diwedd. Roedd y stori yn troi o gwmpas pedair merch yn gweithio yn y neuadd, Rhonda (Catrin Fychan), Wendy (Carys Gwilym), Siw (Tammi Gwyn) a Sal (Elin Wmffras). Roedd y cymeriadau’n wahanol iawn ac yn raddol datgelwyd bywydau pob un i ni, eu breuddwydion a’u pryderon. Hefyd fe gawsom ein cyflwyno i gymeriadau oedd yn dod i chwarae bingo i’r neuadd yn rheolaidd. Cymeriadau oedd yn byw i chwarae bingo fel Lily, Dil a Don. Ac i Carol ac Yvonne, dwy ferch yn eu hugeiniau - mamau sengl wrth eu bodd yn mwynhau. Cafwyd digon o hwyl gyda’r cymeriadau hyn ac yn sicr fe gawson nhw’u portreadu’n gredadwy iawn. Yr un actoresau oedd yn portreadu’r cymeriadau hyn i gyd. Felly er mai dim ond pedair oedd yn perfformio fe gawsom ein cyflwyno i lu o gymeriadau. Canmol y pedair Mae’n rhaid canmol perfformiad y pedair. Cafwyd perfformiadau cryf ganddyn nhw ac roeddwn nhw wedi llwyddo yn fy marn i i uniaethu a’u cymeriadau. Roeddwn i’n teimlo ein bod ni fel cynulleidfa wedi dod i adnabod y cymeriadau i gyd erbyn y diwedd ac yn cydymdeimlo a nhw a’u bywydau undonog. Roedd pob un o’r merched ac eithrio Siw yn dyheu am gael dianc o’r lle ac roeddwn yn tosturio wrthyn nhw.  Roedd
yma ddigon o hiwmor i’n diddanu drwy’r cynhyrchiad drwy ffraethineb y merched
a’u ffraeo parhaus.Cawsom ambell gân hefyd, cyfieithiadau o ganeuon Saesneg cyfarwydd fel I Will Survive a Money, Money, Money oedd yn addas iawn i sioe o’r math hwn ac yn creu awyrgylch. Roedd y caneuon yn cael eu defnyddio i gyfleu teimladau’r merched a’u breuddwydion. Rhaid dweud fy mod wedi mwynhau’r noson roedd yn wahanol ac roedd hi’n braf bod yn rhan o’r perfformiad. Roedd y ffaith ein bod yn cael ein trin fel cynulleidfa neuadd Bingo go iawn yn golygu ein bod yn gallu uniaethu a’r cymeriadau. Roedd y ffaith fod y cymeriadau’n perfformio yn ein canol yn gwneud y ddrama’n fyw ac yn symud ein sylw i bob rhan o’r ystafell nid y llwyfan yn unig. Da hefyd oedd cael sgript gyflawn Sian Summers yn y rhaglen - rhywbeth i’w wneud eto yn y dyfodol gyda cynhyrchiadau eraill. Os am noson hwyliog, noson o gomedi a chân mae’n werth mynd i weld Bingo Bach. Chewch chi mo’ch siomi.
| |
 © MMI |
|
|
About the ³ÉÈËÂÛ̳ | Help | Terms of Use | Privacy & Cookies Policy |
