|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Cymdeithas yr Iaith yn y Steddfod O Faes B i'r gwely! Ta ta Maes B Nid Cymdeithas yr Iaith sy’n trefnu gigs Maes B eleni wedi i gyngor yr eisteddfod ddatgan na fyddai’n adnewyddu ei gytundeb. Mae nifer yn credu fod yr eisteddfod wedi gwneud y penderfyniad wedi i Gymdeithas yr Iaith wrthod ymrwymo i beidio â gweithredu’n uniongyrchol ar brif faes yr eisteddfod. Pwysleisiodd cyd-gadeirydd y gymdeithas bryd hynny, Aled Davies: "Nid yw Cymdeithas yr Iaith yn barod i chwarae gêm yr Eisteddfod trwy gadw’r ddysgl yn wastad am un wythnos o’r flwyddyn – mae’r frwydr i achub y Gymraeg yn un barhaol." Dywedodd Hywel Wyn Edwards, trefnydd yr Eisteddfod yn y Gogledd, mai diffygion yn y trefniadau diogelwch sydd wrth wraidd y newid. Ychwanegodd ei fod yn flin i’r Gymdeithas achosi difrod i stondinau yn Llanelli ar ôl arwyddo cytundeb yn dweud na fyddai hynny’n digwydd. "Fedrwch chi ddim bod yn bartner mewn un man a derbyn arian Maes B ac wedyn ar faes yr Eisteddfod daro’n ôl a malu stondinau rhai o’n prif noddwyr," meddai. Mewn tair canolfan Er i’r Gymdeithas golli gafael ar Faes B fe fydd yn trefnu adloniant mewn tri lle yn ardal yr Eisteddfod. Meddai Ffred Ffransis: "Mae Cymdeithas yr Iaith wedi symud ymlaen eleni. Rydyn ni’n falch o’r hyn yr ydym ni wedi ei greu, sef Maes B, a’i fod yn dal i fodoli. Ond eleni rydyn ni’n cynnig amrywiaeth ac rydyn ni wedi symud ymlaen i greu sîn ar yr ymylon." Dywedodd i nifer o bobol gwyno yn y gorffennol fod y digwyddiadau i gyd mewn cae Ychwanegodd y bydd y Gymdeithas yn canolbwyntio eleni ar greu amrywiaeth a fydd yn apelio at gynulleidfa eang. • Yng nghlwb yr Enwogion yn Y Rhyl bydd cyfle i’r genhedlaeth hynaf weld hen ffefrynnau fel Meic Stevens a Geriant Lovegreen. • Yn Nhafarn y Tarw , Dinbych bydd bandiau newydd. • Clwb y Venue, Rhuthun. Dywedodd mai’r bwriad yw targedu cynulleidfa newydd a mynd i ganol y gymuned leol. Fe fyddan nhw’n darparu gwasanaeth bws i gludo’r rhai hynny sydd am deithio o Faes B i’r canolfannau hyn. Ewch i'r rhestr gyflawn o ddigwyddiadau Her Meddai Ffred Ffransis: "Yn sicr mae hyn yn rhoi her newydd i Gymdeithas yr Iaith ac rydyn ni am sicrhau fod y Cymry Cymraeg y cael dewis ac amrywiaeth o adloniant. Fe fydd ganddyn nhw hyd at bedwar dewis bob nos. Mae’n amlwg y bydd cystadleuaeth ac rydyn ni am dargedu cynulleidfaoedd nad ydyn nhw yn mynd i Faes B fel arfer lle mae’n well ganddyn nhw fynd i glwb neu dafarn yn hytrach na mynd i ganol cae." Galwad i ddeffro o'r gwely Neges ‘wleidyddol’ y Gymdeithas yn yr eisteddfod yw fod angen i Gymru ddeffro ac ar y dydd Gwener bydd protest i bwysleisio’r neges hon gan orymdeithio am ddau o’r gloch o babell y Gymdeithas i babell y Cynulliad Cenedlaethol. Yno fe fyddan nhw’n galw am Ddeddf Iaith newydd a Deddf Eiddo. Ymwelir a phebyll y pleidiau gyda gwely pedwar poster yn dweud: "nad oes angen deddf iaith, nad oes angen deddf eiddo, mae’r frwydr drosodd, cerwch i gysgu!" Eglurodd Ffred Ffransis arwyddocâd y gwely: "Mae’r pleidiau gwleidyddol wedi ceisio creu rhyw gonsensws ynglyn â’r iaith ac felly maen nhw wedi gyrru pobol Cymru i gysgu." Gwahoddir steddfotwyr i orweddar y gwely - ond bob awr bydd swn byddarol yn eu deffro.
| |
 © MMI |
|
|
About the ³ÉÈËÂÛ̳ | Help | Terms of Use | Privacy & Cookies Policy |
