成人论坛

Does dim meysydd parcio yn agos at faes yr Eisteddfod Genedlaethol yng Nghaerdydd eleni. Mae gwasanaeth 'Parcio a Theithio' yr Eisteddfod yn ardal bae Caerdydd - dilynwch yr arwyddion "Parcio a theithio" yr Eisteddfod ar gyfer y meysydd parcio (gweler isod).

Gall pobl deithio mewn nifer o ffyrdd eraill, gan gynnwys ar dr锚n, bws, beic, ar droed, tacsi, defnyddio'r gwasanaeth parcio a theithio neu rannu car.

Mae prif fynedfa i safle'r Eisteddfod i'r gogledd o Stadiwm SWALEC, ar Limetree Avenue. Mae ail fynedfa i bobl sy'n cerdded dros y bont droed o gyfeiriad Blackweir. Mae hyn yn arbennig o addas i unrhyw un sy'n defnyddio Taith Taf neu yn dod o Gabalfa, Tal y Bont, neu o faes carafannau'r Eisteddfod yn Blackweir.

Trenau a bysiau

Mae trenau yn cyrraedd ac yn gadael Gorsaf Ganolog Caerdydd neu Orsaf Stryd y Frenhines. Gall ymwelwyr gerdded am 10-20 munud i'r Maes, neu fynd ar gefn beic, cymryd tacsi neu'r bws. Bydd yna arwyddion ar gyfer y rhai sydd yn mynd ar droed o Orsaf Ganolog Caerdydd. Gall llefydd i gadw beiciau ar y tr锚n gael eu harchebu o flaen llaw (heblaw bod gennych feic sy'n plygu), a bydd angen rhoi gwybod i'r gweithredwr trenau cyn teithio.

Os ydych am deithio ar fws i ganol y ddinas, mae yna rwydwaith eang o wasanaethau bysiau, wedi eu darparu gan Bws Caerdydd, Stagecoach a Veolia.

I fynd tuag at faes yr Eisteddfod ar fws o ganol y ddinas, defnyddiwch wasanaethau 25, 62 a 62A Bws Caerdydd; gwasanaethau 122 a 124 Stagecoach; rhif 32 Veolia; a gwasanaeth 320 Easyway. Mae'r rhain i gyd yn teithio ar hyd Heol y Gadeirlan (Cathedral Road), ac yn aros ger Gerddi Sophia.

Am fanylion pellach am yr holl wasanaethau bysiau a threnau sydd ar gael, cysylltwch 芒 Traveline ar 0871 200 22 33, neu ewch i'r wefan.

Beic

Bydd 400 o lefydd i barcio beiciau ar gael yn agos i brif fynedfa Maes yr Eisteddfod, a bydd y Maes yn hygyrch o'r Llwybr Taf a rhwydwaith o lwybrau beiciau. Mae mapiau beicio ar gael o flaen llaw o Ganolfan Groeso Caerdydd yn yr Aes (Hayes) yng nghanol y ddinas, ac o stondinau ar Faes yr Eisteddfod. Hefyd, gall beicwyr edrych ar y map ar lein.

Cerdded

Os ydych yn byw neu'n aros yn lleol, efallai y gwnewch chi ystyried cerdded i'r maes. Mae yna ddigonedd o balmantau a chroesffyrdd i gerddwyr yn yr ardaloedd o gwmpas y maes. Gallwch gerdded i'r Maes o ganol y ddinas trwy Parc Bute, ger Castell Caerdydd.

Tacsi

Mae tacsis a llogi cerbydau preifat ar gael ar draws y ddinas. Mae gan dacsis arwyddion ar y to a gallwch eu dal yn y stryd, neu o safleoedd tacsis penodol. Does gan cerbydau llogi preifat ddim golau ar y to a does dim modd eu stopio yn y stryd, mae'n rhaid archebu un o flaen llaw. Mae'r safleoedd tacsis penodol wedi lleoli yn y llefydd canlynol: Gorsaf dr锚n Canolog Caerdydd, Stryd Santes Fair, a Ffordd Greyfriars.

Parcio a Theithio

I ddefnyddio'r cyfleusterau parcio a theithio, dylai gyrwyr ddilyn yr arwyddion ffyrdd i mewn i Gaerdydd (ar yr A48 a C33 o'r M4). Bydd yr arwyddion yn cyfeirio'r traffig i'r meysydd sydd ar gael pan rydych yn cyrraedd y ddinas. Cost y gwasanaeth parcio a theithio yw 拢3 y car am y dydd. Mae'r gwasanaeth ar gael rhwng 7.30yb i 11.30yh. Bydd bysiau yn cludo teithwyr o'r maes parcio, i'r maes, yn gyson.

Ymwelwyr anabl

Bydd ymwelwyr anabl yn gallu defnyddio'r gwasanaeth parcio a theithio ac mae'r Eisteddfod Genedlaethol yn darparu cyfleusterau teithio i'r rhai sy'n cael anhawster cerdded i brif fynedfa'r Eisteddfod, o Erddi Sophia.

Rhannu car

Mae'n bosib i arbed arian trwy rannu car i deithio i ganol y ddinas, neu i deithio i'r meysydd parcio a theithio. Mae cwmni Sewta yn gweithredu cynllun cyhoeddus i gyflenwi gwasanaeth paru electronig sydd yn rhad ac am ddim. I gofrestru, ewch i'r wefan.

Lle bynnag mae'n bosib, ddylech anelu i deithio ar drafnidiaeth gyhoeddus i fewn i'r ddinas. Os ydych yn teithio mewn car, yna mae rhannu car yn syniad da. Mae trigolion Caerdydd yn cael eu hannog i gerdded, beicio neu defnyddio trafnidiaeth gyhoeddus i gyrraedd y Maes.

Mae mapiau trafnidiaeth ar gael ar wefan Cyngor Caerdydd.