Cardis call
Nawr te, y busnes ma bod y Cardis yn dyn gyda'u harian.
Rhoddwyd clec i'r chwedl honno gan yr aelod o'r Cynulliad Elin Jones a oedd yn llwydd y dydd yn yr Eisteddfod ddydd Mawrth:
"Mae hon yn flwyddyn bwysig iawn i Geredigion," meddai. "Noddi Eisteddfod yr Urdd, noddi Sioe y Cardis yn y Royal Welsh hefyd a dwi'n gobeithio ein bod ni wedi chwalu am byth yr honiad bod y Cardis yn dyn gyda'u harian.
"Dyw'r Cardis erioed wedi bod yn dyn gyda'u harian ond mae'r Cardis erioed wedi bod yn effeithiol gyda'u harian ac os oes na achos da i wario arno yna fe fydd y Cardis yn gwario arno fe ond os nad yw e'n achos da yna wnaiff y Cardis ddim boddran â rhoi arian ar gyfer hynny.
"Felly effeithiol gyda'n harian ydym ni yma, nid tyn a'n harian."
Dyna'r mater bach yna wedi'i glirio.
