Pwysigrwydd awduron plant
Anrhydeddu dau awdur
Am y tro cyntaf yn hanes y gystadleuaeth cyflwynwyd Gwobr Tir na n-Og ar lwyfan Eisteddfod Genedlaethol yr Urdd eleni.
Ac ar faes yr Eisteddfod cyn y seremoni tynnodd is gadeirydd Cyngor Llyfrau Cymru sylw at bwysigrwydd arbennig y gystadleuaeth hon ac at lyfrau plant yn gyffredinol.
Dywedodd Gareth Davies Jones mai'r her a wynebir ym maes llyfrau i bobl ifainc yw peidio 芒 cholli darllenwyr pan ydynt yn cyrraedd eu harddegau.
"Mae'n bwysig felly," meddai, "fod llyfrau Cymraeg o'r safon uchaf ar gael iddyn nhw."
Dywedodd i welliant mawr fod yn ansawdd a safon llyfrau plant dros y blynyddoedd diwethaf a bod cystadleuaeth fel Tir na n-Og yn ffordd bwysig o gydnabod hynny.
"Mae'n bwysig ein bod yn anrhydeddu y bobl sy'n sicrhau y gweddnewidiad hwn. Mae'n ddawn ac yn grefft arbennig. Mae'n bwysig rhoi clod gweladwy iddyn nhw," meddai.
Disgrifiodd anrhydeddu'r enillwyr ar lwyfan Eisteddfod Genedlaethol yr Urdd fel datblygiad naturiol yn hanes y gystadleuaeth.
Yr enillwyr ar y llwyfan eleni oedd Nicholas Daniels y daeth ei lyfr Y Llyfr Ryseitiau: Gwaed y Tylwyth a gyhoeddwyd gan Wasg y Dref Wen yn fuddugol yn yr adran gynradd.
Y buddugol yn yr adran uwchradd oedd Gareth F Williams gyda nofel afaelgar Eira M芒n - Eira Mawr yng nghyfres Wap gan Wasg Gomer.
Dywedodd Gwerfyl Pierce Jones, Cyfarwyddwr Cyngor Llyfrau Cymru ei bod yn arbennig o arwyddocaol llwyfannu'r seremoni am y tro cyntaf eleni a hithau yn Flwyddyn Darllen Genedlaethol.
