Bournewatch (5)
Diawch mae'r ffliw 'ma'n wael. Dydw i ddim wedi gallu bwyta ers tridiau. Diolch i ³ÉÈËÂÛ̳1 am godi fy ngalon trwy ddangos ferswin newydd o "Survivors"!
O leiaf dw i wedi cyrraedd y gwaith heddiw. Chwi ffyddloniaid CF99, a fywswn i'n eich gadael chi lawr?
Ble felly mae pethau'n sefyll da'r Ceidwadwyr?
Wel fe fydd penderfyniad y Western Mail i glustnodi tudalennau un i dri ar gyfer galwad ar Nick Bourne i sefyll lawr yn glatsien drom iddo. Dydw i ddim yn gwybod pwy wnaeth ddweud wrth Glyn Davies wythnos yn ôl y byddai'r stori hon yn "next week's chip wrapper" ond gallan nhw ddim bod yn fwy anghywir. Cofiwch chi, os nad ydych yn gwybod ei fod wedi bod yn anghyfreithlon i lapio chips mewn papur newydd ers rhai degawdau bellach mi ydych chi allan o gysylltiad braidd, yn ddigon all o gysylltiad efallai i gredu bod hi'n gymwys i hawlio treuliau am iPod a trouser press.
Nawr mae 'na rai sydd yn dweud bod yr helynt yma i gyd yn gwrw bach a bod gwleidyddion a newyddiadurwyr yn chwarae gemau plant bach yn fan hyn.
Coeliwch neu beidio dydw i ddim yn anghytuno. Ond dyma fel y mae gyrfaoedd gwleidyddol yn dod i ben wrth i rywbeth bach wthio aelodau plaid i weithredu yn erbyn ei harweinydd. Does 'na ddim rheswm i Nick flocio cais Jonathan Morgan am gyfarfod grŵp- ac eithrio'r ffaith ei fod yn synhwyro beth fyddai canlyniad y cyfarfod hwnnw.
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
Diwrnod drist os bydd y Ceidwadwyr yn wfftio Nick, achos mae'n fwy ar y chwith, a bydd y grwp yn symud i'r dde.
Wrth gwrs, dyna beth mae Plaid a Martin Shiption eisiau - i creu mwy o gwahaniaeth rhyngddynt cyn etholiad.
Ond mae rhaid i Nick hefyd maddau ei bod wedi rhedeg gwrthblaid eitha annghyfrifol, yn galw am gweinidogion i ymddiswyddo pob wythnos, yn defnyddio'r newyddiadurwyr (yn cynnwys Martin Shipton) i creu man stwrion dros pethau bach, yn ceisio tywallt olew ar rhyw dadl bach personol neu proses pob tro. You live by the sword - you die by the sword, ynte?