Arglwydd Gad Im Dawel Orffwys
Roeddwn i lawr yn y Senedd yn gwneud cyfraniad i radio Wales yn gynharach heddiw pan ofynnodd ymwelydd gwestiwn oedd heb fy nharo sef " a fydd Rhodri'n mynd i DÅ·'r Arglwyddi?"
Mae hynny'n ddau gwestiwn mewn gwirionedd. Yn gyntaf a fydd y cynnig yn dod ac yn ail a fyddai Rhodri'n ei dderbyn?
O sabwynt y cwestiwn cyntaf does na ddim cynsail amlwg. Cafodd Prif Weinidog cyntaf cynulliad Gogledd Iwerddon, David Trimble, ei ddyrchafu i'r siambr uchaf ond roedd hynny oherwydd iddo golli ei sedd yn Nhŷ'r Cyffredin yn fwy nac unrhyw beth arall. Yn achos yr Alban roedd Jack McConnell yn Brif Weinidog am chwe blynedd ond ymddiswyddo ar ôl colli etholiad gwnaeth Mr McConnell. Yn ei achos ef mae 'na sibrydion bod Gordon Brown wedi addo sedd yn y siambr uchaf iddo cyn newid ei feddwl.
O safbwynt cyfansoddiadol gellid dadlau y byddai 'na fanteision o gynnig seddi yn siambr uchaf San Steffan i bobol a'r profiad o fod yn brif weinidog yng Nghymru, yr Alban neu Ogledd Iwerddon. Mae hynny'n arbennig o wir yn achos Cymru gyda'i sbageti o system ddeddfwriaethol.
Ar y llaw arall yn yr hinsawdd wleidyddol bresennol fe fydd na restr faith iawn o wleidyddion Llafur yn awchu am sedd ar y meinciau cochion.
Dydw i ddim yn meddwl y bydd y cynnig yn dod os nad yw Rhodri yn ei chwennych ac os nad ydw i'n camddeall y dyn yn llwyr rwy'n sicr na fydd e'n gwneud hynny.
Ar Fwnt y mae llygaid Rhodri Morgan, nid ar San Steffan.
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
