Grrrrr...
Hyd yn oed wedyn does 'na ddim sicrwydd bod y penderfyniad cywir wedi ei wneud. Gallai rhieni benderfynu ar enw anarferol ac addas ac yna canfod bod peldroediwr enwog neu ryw seleb arall wedi dewis yr un enw. Och, gwae ni neu och, Cai ni efallai!
Mae'r broblem debyg yn wynebu datblygwyr a chynllunwyr wrth ddewis enwau ar gyfer datblygiadau newydd. Yn sicr mae 'na ambell i erchyll beth o gwmpas. Pwy ar y ddaear oedd yn credu er enghraifft bod "The Hawthorns" yn enw addas ar stad o dai yn Nowlais? Wedi'r cyfan dyw'r dref honno ddim yn brin o ddigwyddiadau a nodweddion daearyddol i ysbrydoli enw addas ac atyniadol.
Dyw hynny ddim yn wir am y llain o dir sy'n gorwedd rhwng y "Roath Basin" a doc "Queen Alexeandra" gyferbyn a ThÅ· Hywel. Wedi cyfan roedd y tir hwn, y rhan nesaf o Fae Caerdydd i gael ei datblygu, o dan y mor a'i donnau tan 1912. Sut felly oedd sicrhau enw addas i ardal fydd yn y pendraw yn gartref nid yn unig i ganolfan ddrama'r ³ÉÈËÂÛ̳ ond i boblogaeth tua'r un faint ag un y Bala?
Mae'n bosib dilyn rhesymeg y datblygwyr. Penderfynwyd cael enw Cymraeg yn hytrach nac un dwyieithog trwsgl a chodwyd gap at enw hanesyddol ardal gyfagos heb bechu neb trwy fachu'r enw hwnnw. Y canlyniad yw "Porth Teigr".
Dydw i ddim am fentro i ffau'r llewod trwy fentro fy marn i am y dewis - ond efallai bod 'na awgrym yn y pennawd!
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
Dwi wrth fy modd yn trafod Cymreictod Tre-biwt - y rhan Gymreiciaf o fwrdeistref Caerdydd yn yr 1890au.
Ond wele heno Syr Michael Lyons yn ysgrifennu at John Walter Jones, a'r ³ÉÈËÂÛ̳ yn adrodd yr hanes mewn modd slafaidd braidd.
Syr Michael Lyons - y dyn nad yw'n barod i gael ei gyfweld ar y cyfryngau Cymreig, ond sy'n disgwyl i'w ddatganiadau camarweiniol gael eu hadrodd air am air ar "donfedd yr Ymerodraeth".
Mae'r ³ÉÈËÂÛ̳ yn mynnu fod ei Ymddiriedolwyr yn cael penderfynu sut mae arian S4C yn cael ei wario yn y dyfodol. Ond nid dyna sbin ³ÉÈËÂÛ̳ Cymru!
Cwyn amdani felly, a dyma hi:
"Annwyl [Bennaeth Newyddion a Materion Cyfoes ³ÉÈËÂÛ̳ Cymru],
Fe garwn gwyno ynghylch y stori hon:
Mae diffyg cydbwysedd yn y stori gan nad oes cyfle i wrthwynebwyr y cynllun i drosglwyddo grym dros S4C i'r ³ÉÈËÂÛ̳ fynegi barn. Dim ond barn gorfforaethol y ³ÉÈËÂÛ̳ a fynegir.
Dywed y llythyr oddi wrth Syr Michael Lyons at John Walter Jones yn gwbl glir: "The ³ÉÈËÂÛ̳ Trust [...] will need to have oversight of how this [licence fee] money is being spent".
Ond mae'r stori gan newyddiadurwyr y ³ÉÈËÂÛ̳ yn adrodd, "nad yw'n fwriad gan y ³ÉÈËÂÛ̳ i ymyrryd gydag annibyniaeth S4C", fel pe bai hwnnw'n ddatganiad o ffaith.
Ni ellir cyflwyno'r datganiad olaf hwnnw fel ffaith. Barn ydyw, a dylai rhywun gael ei gyfweld er mwyn cyflwyno dadl yr ochr arall.
Rwy'n gobeithio fod hyn yn digwydd ar raglenni eraill - ar radio a theledu.
Fe garwn i'r cwyn gael ei drin fel un ffurfiol."