成人论坛

Cyfri Croesau

Vaughan Roderick | 14:46, Dydd Mawrth, 1 Mawrth 2011

Os ydych chi'n mentro i'r Bae yn ystod y dyddiau nesaf fe welwch ddau bafiliwn dros dro yn sefyll ar blatfform o sgaffaldiau. Nid cofeb fyrhoedlog i'r diweddar Jane Russell yw'r par hwn - er bod 'na rhy olwg fronnegol yn eu cylch - ond stiwdios dros dro'r 成人论坛 ar gyfer rhaglenni canlyniadau Dydd Gwener. Rwy'n meddwl mai yn yr un ar y dde y bydd Dewi Llwyd a finnau.

Mae'r 成人论坛 a, than yn ddiweddar, ITV, wastad wedi gwario'n hael ar raglenni canlyniadau gan wybod eu bod yn denu cynulleidfa sy'n frwdfrydig os nad yw hi bob tro yn fawr. Mae cymryd rhan ynddyn nhw'n sbort hefyd i bobol fel fi sy'n dwlu clebran ynghylch gwleidyddiaeth am oriau, Mae 'na foddhad hefyd mewn bod ymhlith y cyntaf i glywed sibrydion o'r canolfannau cyfri.

Yn yr oes gyfrifiadurol hon mae cyfrinachedd y cownt yn prysur ddiflannu ac mae'n debyg y bydd rhan helaeth o'r canlyniadau Ddydd Gwener yn ymddangos cyn gynted neu'n gynt ar Twitter nac ar ein rhaglen ni. Ta beth am hynny rwy'n gobeithio y gwnewch chi wylio.

Fe fydd y siabang yn cychwyn am 10.30 y bore.

Llyfrnodi gyda
|
|
|
|
- Beth yw hwn?

SylwadauAnfon sylw

1. Am 15:55 ar 1 Mawrth 2011, ysgrifennodd Kelv:

Vaughan, oes 'na arolwg barn Dydd G诺yl Dewi gan y 成人论坛 eleni, neu rywbeth arall cyn y refferendwm?

2. Am 16:11 ar 1 Mawrth 2011, ysgrifennodd Vaughan Roderick :

Mae ICM yn cynnal arolwg i'r 成人论坛 ynghylch nifer o bynciau ar hyn o bryd. Oherwydd y refferendwm cyhoeddir y canlyniadau Ddydd Gwener.

3. Am 23:27 ar 1 Mawrth 2011, ysgrifennodd Henri:

Mi oedd gan Y Byd ar Bedwar bol piniwn da iawn nos Lun. Mi faswn yn taeru na chlywais air amdano ar y 成人论坛. A oedd amheuaeth fod sail ansicir iddo?

4. Am 02:06 ar 2 Mawrth 2011, ysgrifennodd Gareth:

A fydd modd i wylwyr tramor wylio'r cyfri? Naill ai yn Gymraeg neu'n Saesneg?

5. Am 14:07 ar 2 Mawrth 2011, ysgrifennodd Vaughan Roderick :

Gareth, fe fydd y rhaglen Gymraeg ar gael yn fyw ar Clic ar safle S4C.

Henri, Doedd dim byd o gwbwl yn bos ar arolwg Y Byd ar Bedwar er bod y canlyniadau wedi eu cyflwyno mewn modd ychydig yn wahanol i'r arfer - gan bwyslwisio canranau ymysg y rhai oedd yn bwriadu pleidleisio yn hytrach na'r sampl gyfan. Dydw i ddim yn sicr faint yn union o sylw gafodd yr arolwg ar y 成人论坛 - fe gafodd peth.

6. Am 15:20 ar 2 Mawrth 2011, ysgrifennodd Haydn:

Unrhyw sylw, Vaughan, pryd bydd y canlyniad cynta'n cael ei gyhoeddi?

7. Am 15:29 ar 2 Mawrth 2011, ysgrifennodd Neilyn:

Sex sells! Newydd weld llun o'r ddau bafiliwn ar flog Betsan. Edrych mymryn yn fwy Madonna-aidd na Jane Russell efallai?

Edrych ymlaen at y cyfri ar y teledu, ac yn fwy byth at ganlyniad positif go iawn.