成人论坛

Cyfarchion o faes Prifwyl Sir Fflint a'r Cyffiniau ar fore Llun.

Ac mae'n ymddangos nad oes dim wedi newid - o leiaf yn agwedd rhai at y Steddfod.

Cysgu'n braf oedd Nedwyn yr hen gi bach sy'n cadw cwmni blynyddol inni yn Stafell y Wasg - cysgu a'i gefn at bawb oedd o pan adewais y Felindre y llynedd ac yr oedd yn gwneud yr union run peth pan gyrhaeddais eleni.

Mi ddywedwn i na fydd Nedwyn byth yn steddfotwr go iawn.

Dwylo allan . . .

Ond yn 么l yr hyn mae o'n ddweud wrth bawb mae ein Gweinidog Treftadaeth newydd, Rhodri Glyn Thomas, wrth ei fodd yn y Brifwyl.

Ac, wrth gwrs, eleni bydd pob Twm, Dic a Harri Bach yn lluchio lledod ato gan obeithio y bydd yntau yn barod i rannu peth o'r cyfoeth sydd ganddo yn y pwrs cyhoeddus.

Beth pe byddai o'n galw, felly, ym Mhabell y Cymdeithasau y bore 'ma a rhoi addewid am gelc go lew i achub y wasg Gymraeg brintiedig.
Ond go brin y daw o.

Diwylliant newydd . . .

Ond efallai y bydd o'n galw heibio Maes D ychydig yn ddiweddarach. Yno mae rhywun o'r enw Pol Wang yn cynnal sesiwn Gung Ffw ac efallai y gall y gweinidog ein goleuo sut yn union mae'r cyryw beth yn ffitio i'r dreftadaeth Gymreig.
Mae'r peth yn ddirgelwch i mi!

Tipyn o ddrama . . .

Dirgelwch arall ydi'r sibrydion rhyfeddol nad yw Clwyd Theatr Cymru a Theatr Genedlaethol Cymru ddim am groesawu'r wasg a'r cyfryngau i weld eu perfformiad cyntaf o'r ddrama newydd, Wrth Borth y Byddar gan Manon Eames.

A'r rheswm glywais i yw fod y cynhyrchwyr am i'r cast gael cyfle i setlo'i lawr cyn bod yr adolygwyr yn cael cyfle i fwrw eu llinyn mesur.

Agwedd braidd yn amhroffesiynol efallai - os ydy o'n wir wrth gwrs!

Gwyntoedd buddiol . . .

Ond mae'n gwbl wir bod yna gwmni sy'n arbenigo mewn datblygu ffermydd gwynt wedi penderfynu dod i genhadu ar faes y Brifwyl - ac mae'n amlwg eu bod yn griw o bobl sy'n gweld ymhell.

Prin bod lle gwell yn unwam a mwy o wynt o bob math na maes y genedlaethol.

Jyst y lle i Windpower Wales Ltd

Y Steddfotwr prysuraf . . .

Cwestiwn bach r诺an.
Pwy tybed ydi'r Steddfotwr prysura ar y maes. Ewch ati i gribinio Rhaglen y Dydd a dwi'n si诺r y byddai hi'n anodd ichi ganfod neb prysurach na Nic Parry - ond dyna fo, dydi bod yn brysur yn ddim byd newydd iddo fo.
Ac mae o'n joio.

Buddugwyr newydd . . .

A dwi'n si诺r y bydd yr Archdderwydd Selwyn Iolen yn joio croesawu buddugwyr prig gystadlaethau Prifwyl yr Urdd i'r cylch cyfrin y bore ma a hynny am y tro cyntaf erioed.

Sgwn i a ydi Bwrdd yr Orsedd yn bwriadu agor y drysau i'r rhai hynny sy'n dod i'r brig ym Mhrifwyl y ffermwyr Ifainc y flwyddyn nesaf.

Mae'n bwysig cadw'r ddesgil yn wastad.

Gweinier y cledd.