成人论坛

Lansiad X 4

Mae'n ymddangos fod pob sefydliad gwerth ei halen yn cyhoeddi taflenni digwyddiadau ar gyfer Ein Jyncet Fawr Genedlaethol.

Ac un o'r rhai mwya lliwgar ydi taflen Prifysgol Cymru Bangor - lliwgar a gwreiddiol a deud y gwir.

Wyddech chi ei bod hi'n bosib lansio rhywbeth nifer o weithiau mewn wythnos? Wel mae hi ym Mhrifysgol Bangor.

Maen nhw yn lansio rhywbeth a elwir yn Ganolfan Gymraeg i oedolion Gogledd Cymru bedair gwaith lle clywch chi am waith ymchwil diweddar yng Ngwlad y Basg.

A dyma chi rywbeth diddorol iawn arall. Mae'r Ysgol Gymraeg yn lansio tri llyfr newydd - a dau ohonyn nhw yn Saesneg cofiwch! Gwreiddiol te!

Dwy am un

A rwan syniad gwreiddiol a gwastraffus arall. Mi fydd yna ddwy ddarlith ar yr un pwnc ar y maes yma heddiw.

Thomas Pennant ydi gwrthrych y ddwy, y naill ym Mhabell y Cymdeithasau am hanner dydd a'r llall yn y Stiwdio am dri o'r gloch.

Hwyrach y dylai Cymdeithas Carnhuanawc a Chymdeithas Bob Owen gyd-drafod i osgoi dyblygu y dyfodol. Ond falle bod Thomas Pennant yn haeddu dwy awr o bregethu amdano.
Pwy ydw i i amau?

Lled llwybrau

Mae'n ymddangos nad ydi'r dechnoleg fodern a elwir yn wasanaeth band llydan yn gweithio'n effeithiol ar y maes yma yn 么l ffotograffwyr y wasg.

A falle bod hynny'n newyddion da o lawenydd mawr. Sefydliad sy'n cadw at y llwybr cul ydi'r Steddfod Genedlaethol a dydy hynny ddim yn syndod.
Fe'i harweinir gan Sanhedrin!

Canu rhwng y meini

Ac o gyfeirio at y llwybr cul mae'n ddiddorol sylwi y bydd Cwmni Teledu Avanti yn recordio rhifyn o'r rhaglen deledu Dechrau Canu Dechrau Canmol yng nghylch yr Orsedd brynhawn Iau.

Y lle olaf fasach chi'n feddwl i gynnal cyfarfod crefyddol - ond dyna fo - mae Dechrau Canu Dechrau Canmol ar ei newidd wedd yn torri tir newydd i bob cyfeiriad ac yn llwyddo'n ddigamsyniol, yn 么l bosus ein sianel deledu hoff.

Ond go brin y bydd criw Caffi Basra, sioe glybiau newydd Theatr Bara Caws yno'n canu. Maen nhw yn rhoi pobiad caled i Martyn Geraint un o'r cyflwynwyr a sioe yr Happy Clappy fel maen nhw'n cyfeirio ati.

A oes hedd lu?

Mae yna ambell sinig eisteddfodol yn holi ar y maes yma tybed a oes yna beryg fod y Brifwyl yn araf lithro i ddwylo'r Heddlu

Ddoe mi roedd gan Heddlu Gogledd Cymru sesiwn ym Mhabell y Cymdeithasau a'r Prif Gwnstabl yn cadeirio trafodaeth yn dilyn araith gan Lywydd y Cynulliad.

Heddiw os gwelwch chi'n dda, mi fydd y Dirprwy Brif Gopyn yn cadeirio cyfarfod yn y Babell L锚n i gyflwyno cyfrol o gerddi a gomisiynwyd gan heddlu Gogledd Cymru o'r enw Cerddi Cyfiawnder.
Be nesa tybed?

Cwestiwn rygbi

A chwestiwn digon pigog arall glywais i ddoe oedd hwn.
Sut gebyst all Robin McBryde sy'n un o hyfforddwyr carfan rygbi Cymru fforddio'r amser i fod yma yn yr Wyddgryg yn cario cleddyf yr Orsedd o gofio'r grasfa gafodd Cymru yn Twickenham ddydd Sadwrn diwethaf?

Onid rheitiach gwaith fyddai iddo fod yn helpu Gareth Jenkins druan yn hytrach na bod yn was bach i Selwyn Iolen a Gorsedd y Beirdd.
Hen gwestiwn cas - ond amserol.