Clip fideo allan o 'A Love Affair with Life' am Syr Clough Williams-Ellis a Phortmeirion, a gyflwynir gan Wyn Thomas
Troslais - Wyn Thomas
"Yn y toreth hwn o bensaernïaeth, sut mae'n llwyddo i sicrhau addasrwydd a phriodoldeb? Pa ddyfeisiadau gweledol mae'n eu defnyddio i ddisgyblu'r fath gynfas orlawn?"
Troslais - Syr Clough Williams-Ellis
"Wel, rydw i'n credu bod unrhyw olwg yn cael ei harddu gan ffrâm rannol neu flaendir, yn union fel darlun. Rydw i wedi gwneud hyn mewn gwirionedd dros y lle, oherwydd y nifer o adeiladau â'u ffenestri cymharol ffurfiol - y ffenestri wedi eu trefnu mewn patrwm, yn gymharol normal. Ac yna, rydw i wedi rhoi ffenestr i'r pwrpas hwnnw'n unig. Mewn gwirionedd, mae rhai ohonyn nhw â lensys ynddyn nhw, gan greu golwg gywasgedig, oherwydd y byddai'n gadael llafn o olau haul i mewn, neu gallwch edrych i fyny ar nenlinell arbennig, neu unrhyw beth arall. Mae pobl yn siarad am ffenestri pictiwr, nawr mae'r rhain yn beth y gallech eu galw'n ffenestri pictiwr miniatur, dim ond portyllau bychain."
Troslais - Wyn Thomas
"Bob man yn y byd 'sioe sbecian' hwn a greodd, caiff y llygad ei ddal gan faglau cyfrwys dyn sioe pensaernïol. Mae'n dewis yr olygfa, mae'n gosod y llwyfan, ac yna mae'n ei fframio mewn prosceniwm o'i wneuthuriad ei hun.
Troslais - Syr Clough Williams-Ellis
"Drwy gydol fy mywyd, rydw i wedi cael y twnneli byrion hyn o dywyllwch cymharol, sy'n arwain i ddisgleirdeb ymddangosiadol y tu hwnt iddyn nhw, yn gyffrous a dymunol. A theimlad cyfforddus o amgaead wrth basio trwodd."
Troslais - Wyn Thomas
"Yma, mae Syr Clough Williams-Ellis yn dweud ei fod wedi gweithredu'r hyn, fel pensaer, mae wedi bod yn ei bregethu trwy gydol ei fywyd hir. Gall y wybodaeth yma fod yn rhan o Wefan y Cyngor ei adeiladau fod yn siriol, yn lliwgar ac hyd yn oed yn gyffrous, ac eto'n dal i fod yn ymarferol."
Mae Rhyngweithio yn adran ar eich cyfer chi. Ymunwch â'r gymuned - anfonwch eich erthyglau, sgwrsiwch, a dywedwch wrthyn ni beth mae 'treftadaeth' yn ei olygu lle 'rydych chi'n byw.
Print this page
