Dadlau `da Alex Salmond
Dw i newydd fod yn dadlau gyda Alex Salmond ynglŷn â pha mor effeithiol y mae llywodraethau lleiafrifol yn gallu bod. Roedd y ddau ohonom ni yn westeion ar raglen "Riddoch Questions" ar Radio Scotland a dydw i ddim yn meddwl fod Alex yn hapus i glywed am brofiadau anhapus Alun Michael a Rhodri Morgan yn arwain llywodraethau lleiafrifol yng Nghymru!
Ddydd Mercher nesaf disgwylir i Alex gael ei enwebu fel Prif Weinidog Senedd yr Alban a dywed ei fod yn gobeithio gallu llywodraethu trwy gonsensws. Dyna oedd gobaith Alun Michael hefyd. Y gwahaniaeth yw yn ôl Mr Salmond fod Alun a diffyg awdurdod oherwydd y ffordd y cafodd ei ddewis fel arweinydd Llafur Cymru.
Roedd gan Alex eiriau caredig iawn hefyd am y Democratiaid Rhyddfrydol yn yr Alban. Mae'n ymddangos ei fod o hyd yn gobeithio gallu denu'r blaid honno i mewn i glymblaid rhywbryd yn y dyfodol
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
