Meddwl am Mike
Wrth grwydro'r senedd heddiw roedd hi'n rhyfeddol gweld cymaint o'n gwleidyddion mewn hwyliau da. Efallai bod gwybod y bydd na derfyn ar yr holl helynt cyn gwyliau'r haf yn donic i bawb ond mae na resymau eraill i aelodau tair o'r pedair plaid fod yn llon eu byd.
O safbwynt Llafur mae'n ymddangos bod dihangfa wyrthiol yn bosib, gall aelodau Plaid Cymru fod yn sicr y byddant mewn llywodraeth o fewn ychydig wythnosau tra bod y Torïaid yn saff o fod yn rhan o lywodraeth neu'n brif wrthblaid.
Mae hynny'n gadael y Democratiaid Rhyddfrydol. Beth sy'n wynebu nhw fel Plaid? Blynyddoedd yn yr oerfel o bosib, gyda thair o'u pedair sedd o dan fygythiad yn yr etholiad cyffredinol. Mae ei seren ifanc Kirsty Williams wedi pechu rhannau helaeth o'r blaid ac yn annhebyg o esgyn i'r arweinyddiaeth a mae ei harweinydd presennol yn y penawdau yn gyson am y rhesymau anghywir.
Fe fydd na fawr ddim cydymdeimlad gan y pleidiau eraill sy'n beio'r Democratiaid Rhyddfrydol am wneud llanast o'r broses o ffurfio llywodraeth ond oes 'na unrhyw beth y gall y blaid ei hun wneud i osgoi pedai blynedd arall fel gwrthblaid ymylol?
Does bosib. Na. Dw i'n gwrthod hyd yn oed meddwl am y peth. Byse hynny byth yn digwydd.
Ond beth os oedd Mike German yn codi'r ffon i Rhodri?
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
Dwi wedi bod yn meddwl ers dyddiau mai hwn fydd y twist ola yn y stori. Bydd Llafur wedi chwalu'r enfys drwy swyno Plaid a deffro cenfigen y Libs yn y broses. Byddai cytundeb efo'r Libs yn llawer 'rhatach' a haws ei lyncu i'r Blaid Lafur. Wedi'r cyfan, pa fantais sydd i German beidio codi'r ffon? Pa fantais i Rhodri beidio ei ateb?
'Dwi ddim yn meddwl rhywsut.
Prif flaenoriaeth y Lib Dems yn y tymor canolig fydd amddiffyn eu safle mewn llywodraeth leol - yn arbennig felly yng Nghaerdydd ac Abertawe.
I gadw eu lled reolaeth ar gynghorau fel hyn mae'n bwysig iddynt gael ei gweld fel plaid wrth Lafur.
Mae'r Democratiaid Rhyddfrydol eisoes wedi pleidleisio yn erbyn y syniad, ac nid oes amser ganddyn nhw rhwng heddiw a dydd Sadwrn i newid dim
ti'n iawn Vaughan - 'dihangfa wyrthiol' yn wir i Lafur. Pam fod gan asgell chwith PC cymaint o ddiffyg hyder yn eu plaid eu hunain. fydd Llafur methu credu eu lwc ac yn chwerthin am ben y Blaid 'fach' am flynyddoedd i ddod.
Plaid Cymru yn rhoi 'get out of jail card' i Rhodri Morgan eto fel gafwyd gydag Alun Michael.
Os ddaw clymblaid Coch-Gwyrdd nid IWJ a Phlaid caiff ei diolch am ddod a Senedd go iawn i gymru ond Llafur am ei ddelifro.
Da iawn Plaid. Dwi'n synnu fod y Libs a'r Toriaid heb pwdu gyda'r Blaid dros hyn. Gall fod yn own goal arall i Blaid Cymru wrth chwarae'r gem o fod yn gwn bach i Llafur?
Ers i Charles Kennedy taro botel a colli arweiniaeth y blaid. A oes rhywun wedi cymeryd sylw difrifol ohonyn nhw.
Mae nhw wedi colli ffordd a efallai gwaed newydd sydd eu angen ar y brig yn mhob gornel o Brydain!!