Cawl o gogydd
Beth ar y ddaear sy'n bod ar gynghorwyr Llafur Caerdydd? Oes 'na firws yn y dwr, dwedwch?
Anghofiwch Ramesh Patel am eiliad. Ystyriwcharweinydd Grŵp Llafur y cyngor, Ralph Cook, ynghylch ffrae arall am ysgolion, y tro hwn yn nwyrain y ddinas.
Dyw addysg Gymraeg ddim yn ffactor y tro yma. Does dim angen elfen ieithyddol i gynddeiriogi'r Cynghorydd Cook.
"If the proposal is approved by the Assembly Government then the council will proceed with it at great risk. The costs are set to rise as the site will have to be secured like a fortress, builders will have to be paid danger money and supplies will be blockaded. The people feel that strongly about it."
Beth? Arweinydd y Grŵp Llafur yn proffwydo (neu'n bygwth) tor-cyfraith? Beth nesaf?
Yn wahanol i Rhodri Morgan dyw'r cynghorydd ddim yn gallu rhwystro ymchwiliad i'w sylwadau. Mae'n anodd dychmygu na fydd 'na gwyn swyddogol yn ei erbyn.
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
Dwi ddim yn Lafurwr o bell ffordd, ond rwy'n deall cryfder ei deimladau. Mae Llanrhymni yn gadarnle Llafur, a Thredelerch yr un mor Dorïaidd. Felly does dim pleidleisiau i'w colli gan y glymblaid drwy ddinistrio un o'r ychydig barciau cyhoeddus yn yr ardal -- sydd wrth reswm yn ennyn cryn ddicter yn lleol.
Fe wnes i osgoi trafod y pwnc penodol. Fy mhwynt yn syml yw bod 'na god ymddygiad ac am ryw reswm mae Llafur yng Nghaerdydd yn anwybyddu'r cod hwnnw.