Mesurau Argyfwng
Mae'n ddealladwy efallai bod ambell i Geidwadwr (a Llafurwr o ran hynny) yn siomedig ynghylch y ddadl deledu ond oes gwir angen ymateb mor eithafol?
Mae datganiad newydd ein cyrraedd gyda'r pennawd yma; "ASGHAR BACKS ANALOGUE TV RECYCLING." Yn ôl Oscar "It is important that old unwanted televisions are recycled."
Oscar bach ! Doedd e ddim mor wael a hynny!
Ta beth, mae 'na ragor o ddadleuon i ddod. Dadl Gymreig Sky News sydd nesaf mae honno'n cael ei darlledu'n fyw am 10.30 fore Sul gyda Peter Hain, Ieuan Wyn Jones, Cheryl Gillan a Kirsty Williams yn cymryd rhan. Gyda llaw cyn i neb gwyno am yr amseriad, yn ystod y dydd ac nid fin nos y mae cynulleidfaoedd mwyaf y sianeli newyddion.
O'r Gyfnewidfa Lo yng Nghaerdydd, cartref arfaethedig Cynulliad '79, y bydd y ddadl yn dod. Mae'n siambr wych ac mae'n bosib bod SKY yn gobeithio arbed ceiniog neu ddwy. Y tro diwethaf i mi edrych roedd y goleuadau teledu a osodwyd yn y siambr yn y saithdegau ar gyfer y Cynulliad dal yno ac yn dal i weithio.
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
