Peiriant Pres
Dydw i ddim am gymell neb i gamblo ond mae'r stori fach yma'n enghraifft o ba mor amhosib yw'r etholiad yma i'w ddarllen.
Yn ôl ein cyfaill Karl y bwci mae modd y tro hwn i fetio gan fod yn gyfan gwbl sicr o ennill.
Dyma brisiau "Paddy Power" ar gyfer Gorllewin Abertawe; Llafur 4-6, Dem. Rhydd. 11-10
A dyma rhai "Victor Chandler"; Dem Rhydd. 8-11 Llafur 11-10
Fel mae Karl yn dweud, mae modd trwy rannu eich betio rhwng y ddau i fod yn sicr o wneud elw. Fe fyddai buddsoddi £2,000 o bunnau yn sicr o gynhyrchu £2,100. Dim ond £100 o elw yw hynny ond pa mor aml y mae dyn yn gallu bod yn sicr o guro'r bwcis?
Fel dwedais i dwi ond yn cyhoeddi hwn fel prawf o natur agos yr ornest. Un gair arall. BRYSIWCH!
(O.N. Cofiwch, mae hi jyst yn bosib y gallai'r Torïaid ennill yng Ngorllewin Abertawe. Os felly beuwch Karl!)
Dyma un bet bach arall.
Fe wna i fentro swllt nad yw'r ffrwgwd ynghylch lluniau ffug/darluniadol y Democratiaid Rhyddfrydol ar ben.
Mae'r papurau Prydeinig yn dechrauac mae mwy o luniau amheus yn ein cyrraedd trwy'r amser.
Mae 'na amheuon, er enghraifft ai iâr go-iawn sydd yn y llun yma ar Eleanor Burnham.
Wrth gwrs fe fydd yn rhaid aros am gyngor arbenigol er mwyn gwybod hyd sicrwydd.
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
O'n i am ofyn pa un oedd yr iâr cyn sylwi bod hynny'n beth digon cas i'w ddweud yn Gymraeg!
Cystadleuaeth dyfyniad ar gyfer llun Eleanor Burnham:
Deryn 1: "Mae'n cymryd ceiliog glan i ganu, Eleanor"
Deryn 2: "Www matron...cheeky chook...#YMCA, it's fun to stay at the YMCA...#"
'I asked for a clEGG, not an ..... '