Oriel yr anfarwolion
Dw i'n edrych ymlaen at weld cofeb newydd Owain Glyndŵr yng Nghorwen. A barnu o'r lluniau mae'r cerflun yn un trawiadol. Mae'n sicr o fod yn well na'roedd yna o'r blaen!
Mae celf gyhoeddus yn ffasiynol iawn y dyddiau hyn ond mae rhai enghreifftiau’n fwy llwyddiannus nac eraill. Mae hwn yn farn gwbwl goddrychol wrth gwrs ond fy ffefryn personol i ymhlith y cerfluniau mwy diweddar yw cofeb Llywelyn ap Gruffydd Fychan yn Llanymddyfri.
Mae'r ym Mae Caerdydd ar y llaw arall yn beth echrydus. Mae'n ymddangos ei bod wedi ei greu o deils tŷ bach cyhoeddus a dw i ddim yn synnu bod y cynllunwyr wedi ei guddio y tu ôl i'r Eglwys Norwyeg!
Yn Neuadd Dinas Caerdydd mae "Casgliad Cerfluniau Cenedlaethol Cymru" sy'n dylunio arwyr Cymru. Cynhaliwyd cystadleuaeth i ddewis yr arwyr yng nghanol y rhyfel byd cyntaf. Ar y cyfan yr un fyddai’r dewisiadau heddiw Llywelyn ein llyw olaf, Dewi Sant, Hywel Dda ayb er fy mod yn amau bod Buddug ond wedi ei chynnwys er mwyn cael menyw a dw i'n amheus a fyddai'r Cadfridog Picton yn cael ei ddewis heddiw.
Pe bai na ychwanegiadau (ac mae na le i wneud hynny) pwy o'r ugeinfed ganrif fyddai'n cael ei ddewis tybed? Mae na groeso i chi awgrymmu!
Golygydd Materion Cymreig y ³ÉÈËÂÛ̳ yn blogio'n rheolaidd ar faterion gwleidyddol Cymru.
SylwadauAnfon sylw
Gwynfor, heb os nac oni bai!
Zephaniah Williams - arwr !
Gyda Llaw - beth oedd atebion y cwis chwareuon ?
Heb amheuaeth: Alison Statton
Dewi, Mae'r atebion i'w gweld yn y sylwadau sy'n dilyn y cwis. Diolch am f'atgoffa!
Byddai cerflun o Bendigeidfran ar ben Twthil yng Nghaernarfon yn edrych yn wych!
beth am yr hen Saunders? A beth am Iolo Morganwg ynghannol Caerdydd neu tu allan i'r Amgueddfa Genedlaethol neu hyd yn oed y Llyfrgell Genedlaethol yn Aberystwyth gan iddo son am sefydlu un? A pam aros nes bod rhywun wedi marw, beth am Ron Davies tra ei fod yn fyw?