Siom gafwyd ym mhrif seremoni ddydd Iau ar faes yr Eisteddfod eleni, gyda neb yn cael ei feirniadu'n deilwng i ennill y gadair.
Beirniaid y gystadleuaeth oed Hywel Griffiths a Karen Owen, a'r dasg oedd cyfansoddi cerdd gaeth neu rydd heb fod dros 100 llinell ar y testun 'Ymlaen'. Er y siom, eglurodd y beirniaid eu penderfyniad:
"Nid oes un o'r cerddi yn cyfuno syniadaeth glir a meistrolaeth o dechneg yn ddigon boddhaol i ddyfarnu anrhydedd cadair yr Urdd iddi. Yn anffodus, felly, mae'n rhaid i ni atal y wobr eleni. Hyderwn, fodd bynnag, y gall nifer o'r cystadleuwyr yma gyrraedd cadair yr eisteddfod yn y blynyddoedd sydd i ddod."
Chwarter canrif di-dor o gadeirio
Mae'r Urdd wedi mwynhau chwarter canrif di-dor o gadeirio - y tro olaf i'r gadair gael ei hatal yn Eisteddfod yr Urdd ordd yn Eisteddfod 1984 yn Yr Wyddgrug.
Fel Hywel Griffiths, roedd Meistr y Ddefod - Aneirin Karadog - hefyd yn un o gyn ennillwyr y gadair, a chrynhodd ei deimladau yntau ynglyn a'r diffyg teilyngdod:
"Trist nad oes teilyngdod..."
"Mae'n drist nad oes teilyngdod, ond yn amlwg mae safon i'w gynnal ac mae hynny'n dweud llawer am yr hyn a ddisgwylir. Gobeithaf y bydd hyn yn sbardun i sicrhau gwaith o safon uwch yn y blynyddoedd i ddod yn y gystadleuaeth - a gobeithio na fydd hyn yn eu digaloni. Y peth i'w benderfynu nawr yw ble mae'r gadair yn mynd..."
Rhoddwyd y gadair eleni gan Lyfrgell Genedlaethol Cymru, Aberystwyth, ac fe'i gwnaethpwyd gan Arnold James o Lanelli.
Cyfarchiad pen-blwydd arbennig gan Dic Jones
Roedd y seremoni eleni yn nodi hanner can mlynedd ers i'r Archdderwydd Dic Jones ennill ei gadair olaf yn yr Urdd, ac fe ddarllennodd Aneirin Karadog gywydd arbennig a ysgrifennwyd gan Dic Jones i ddathlu pen-blwydd Eisteddfod yr Urdd yn 80 oed:
Efalle nad yw'r henoed
Yn rhedeg i'w hwythdeg oed.
Ond mae hi, ferch Syr Ifan,
Yn ei chelf, a'i ll锚n a'i ch芒n
Yn wahanol i'r rheiny'n
Dod yn iau wrth fynd yn h欧n.
Ni'r hen do, mi gawsom gynt
Ein doe yn y deheuwynt
Yn nhrydan ein direidi
A gwyddfid ein h'ienctid ni.
Cawsom iaith lle cawsem hwyl
Ar adegau mawr dygwyl,
A llwyfan a banllefau
Am ryw hyd yn mawrhau,
A'r gwinwydd bob dydd yn dod
脗'u gwin hwythau'r genethod,
Pan oedd llif y gwaed ifanc
Yn ynni twym yn ein tanc.
Ni'r hen do, bu'n b锚r ein dydd,
Ond rhain sy bia trennydd.
Eu ceinciau hwy yw c芒n cog
Orawenus Llangrannog,
A'r cwch sy'n mentro cychwyn
I groesi'r lli yng Nglan-llyn,
A'n braint yw gwylio o'r bru
Ein blagur yn datblygu
A dwlu ar y dalent
Na phrinh芒 o Fon i Went.
