 |
 |
|
Stondinwyr 'mewn gwlag'
Cwyno iddynt gael eu halltudio |
|
|
|
Mae rhai o stondinwyr maes yr Eisteddfod wedi cyhuddo'r Urdd o'u halltudio i gwlag ar y maes nad oes fawr neb yn ymweld ag ef!
Dywedodd un o'r stondinwyr y gosodwyd eu pebyll ger yr Eglwys Norwyaidd yn y Bae yng Nghaerdydd y bydd yn ystyried gofyn i'r Urdd am ostyngiad yn ei rent.
 Ond dywedodd cyfarwyddwr yr Eisteddfod, Sian Eirian, na fyddai modd i'r Urdd wybod cyn yr Eisteddfod pa rannau fyddai fwyaf poblogaidd ymhlith cerddwyr y Maes.
Ond erbyn dydd Mercher yr Eisteddfod dywedodd rhai o'r pabellwyr yn y rhan hon o'r maes eu bod yn teimlo iddynt gael eu "halltudio".
Colli arian
"Mae ein busnes ni i lawr 拢250 i 拢300 y dydd o'i gymharu 芒'r llynedd oherwydd ei bod mor ddistaw yma," meddai Dafydd Morgan Lewis o Gymdeithas yr Iaith Gymraeg.
 "Mae rhywun yn gofyn iddo'i hun be mae o wedi'i wneud i'r Urdd i haeddu alltudiaeth i gwlag o'r fath," meddai.
"Ar ben hynny mae'r Urdd yn erfyn am i stondinwyr ddod yma a chefnogi'r Eisteddfod ond wedyn yn eu rhoi ni mewn lle fel hyn," ychwanegodd.
Pen draw'r byd
Cwmni arall sy'n anhapus iawn 芒'r lleoliad ydi cyhoeddwyr Y Cymro gyda'r swyddog marchnata y papur, Robin Jones, wedi disgrifio'r lleoliad fel "pen draw'r byd" ar y rhaglen radio, Taro'r Post.
Ac meddai Ioan Huws, y golygydd: "Mae rhywun yn colli holl fwrlwm yr Eisteddfod mewn lle fel hyn. Dydi rhywun ddim yn teimlo ei fod yn rhan o'r Eisteddfod o gwbl a dyna holl bwrpas dod yma.
 "Y s么n yw fod yr Eisteddfod yn bwriadu dychwelyd yma bob pedair blynedd - allai ond gobeithio bod hon yn wers fydd wedi ei dysgu erbyn hynny."
Dywedodd Sian Eirian, er na allai'r Urdd ragweld cyn cynnal yr Eisteddfod pa rannau o'r maes fyddai fwyaf poblogaidd ymhlith eisteddfodwyr ei bod "wastad yn barod i wrando" ar yr hyn sy'n cael ei ddweud gan stondinwyr ac eraill.
|
|
|
|
|
|
听
