³ÉÈËÂÛ̳

Daeth Tŷ Mawr Wybrnant, sydd ddwy filltir o bentref Penmachno, i berchnogaeth yr Ymddiriedolaeth Genedlaethol ym 1951, ac ers hynny mae'r tŷ wedi'i adfer i sut y byddai wedi ymddangos yn yr 16eg a'r 17eg ganrif. Croesewir ymwelwyr yn gynnes i'r tŷ bob dydd lau, Gwener, Sadwrn a Sul o'r 1af Ebrill - 31 Hydref 2004 rhwng 12 a 4.30pm gan Dennis Davies, gofalwr y tŷ, sy'n rhoi sgwrs fywiog ar fywyd a hanes yr Esgob, esboniad o'r celfi sy'n dyddio o gyfnod y tŷ yn ogystal â disgrifio yr arddangosiad mwyaf o feiblau yng Nghymru sydd i'w gweld yno.

Amrywia'r beiblau o un Tsieineaidd i rai sydd mewn rhai o ieithoedd prin Affrica e.e. xhosa - iaith y Bushman tribe y mae Nelson Mandelha yn perthyn iddi, i rai sydd wedi'i sgrifennu mewn tafodiaith "cockney" a "scouse" hyd yn oed. Gellir hefyd gweld Feibl William Morgan, y pwysicaf oll, sef un o ddim ond 19 sydd ar ôl o'r 1000 a argraffwyd yn wreiddiol yn 1588, ac argraffiad diwygiedig 1620 Richard Parry a John Davies.

Bydd y digwyddiadau a gynhelir yno yn siŵr o ychwanegu at naws arbennig Tŷ Mawr ac yn nodi pwysigrwydd a mawredd y gŵr:

Ebrill
1 - TÅ· Mawr Wybrnant yn agor am y tymor
8 - 12 - Arddangosfa arlunio Glen Palin

Mai
7 - Taith dywys gyda Phrif Warden stâd Ysbyty Ifan
15 - 17 - Arddangosfa arlunio Glen Palin

Mehefin
17 - 20 - Arddangosfa arlunio Glen Palin

Gorffennaf
3ydd a'r 10fed - Datganiad ar y delyn gan Mared Emlyn
9 - Taith dywys

Awst
28 - Datganiad ar y delyn gan Mared Emlyn

Medi
4 - Datganiad ar y delyn gan Mared Emlyn
10 -12 - Penwythnos dathlu 400 mlwyddiant ers marwolaeth William Morgan
10 - Cyflwyniadau cerddorol a llafar o fywyd yr Esgob gan blant Ysgol Penmachno am 2pm.
11 - Darlith am y Beibl newydd Cymraeg, Gwilym H. Jones yn yr adeilad arddangos (sydd wrth ymyl y tÅ·) am 2 pm.
12 - Noson o ganu mawl dan arweiniad Mrs Catherine Watkin ac adloniant yng nghwmni Côr Meibion Llangwm ac Esyllt Tudur.

Hydref
1 - Taith dywys gyda'r Warden.