Ar 么l 27 mlynedd o weithgarwch dygn wrth lyw y C么r, penderfynodd Dr Goronwy Wynne ei fod yn dymuno ymddiswyddo fel arweinydd ar ddiwedd 2009. Yn sgil y penderfyniad hwnnw cafodd yr aelodau gyfle i fynegi barn ynghylch y dyfodol, a phenderfynwyd ar sail pleidlais y mwyafrif, y dylid dirwyn y C么r i ben.
Cynhaliwyd cyngerdd olaf y C么r yng Nghapel Ebeneser, Rhesycae, ar nos Sul, 15 Tachwedd, ac yr oedd hwnnw'n achlysur tra llwyddiannus, gyda'r capel dan ei sang, a'r unawdwyr gwych, Gwawr Edwards, Aled Wyn Davies ac Iwan Wyn Parry yn rhoi eu cyfan yn eu canu. Dafydd Lloyd Jones oedd yn cyfeilio i'r unawdwyr a Margaret Williams yn cyfeilio i'r C么r. Yr oedd hefyd yn achlysur pan oedd teimladau o dristwch ymhlith aelodau'r C么r. Hwnnw, wedi'r cyfan, oedd y tro olaf y byddent yn dod at ei gilydd i ganu.
I gau pen y mwdwl, megis, ac i roi cyfle i holl unigolion a fu'n aelodau o'r C么r dros y blynyddoedd ddod at ei gilydd i ddathlu hanes a llwyddiannau'r C么r, cynhaliwyd cinio arbennig yng Nghlwb Golff Padeswood ar y 10 Rhagfyr. Cadeirydd y C么r, Cyril Golding, oedd yn llywio'r noson a gwahoddwyd y digrifwr, Glyn Owen, ynghyd 芒'r canwr, Trebor Edwards, i ddiddanu'r aelodau. Beryl Lloyd Roberts oedd yn cyfeilio.
Yn ystod y noson cyflwynwyd cadair fechan o bren derw, a saerniwyd gan Huw Roberts, Corwen, i Goronwy Wynne fel arwydd o'r modd yr oedd y C么r yn gwerthfawrogi ei arweiniad ysbrydoledig a gafwyd ganddo. Gwnaed y cyflwyniad gan Heulwen Bott, a wasanaethodd fel Ysgrifenyddes a Threfnydd Teithiau'r C么r am flynyddoedd lawer.
Yn ei araith ar ddiwedd y noson, manteisiodd Goronwy Wynne ar yr achlysur i s么n am rai o uchel bwyntiau hanes y C么r, am yr amrywiaeth o weithiau a ddysgwyd ac am y lleoliadau niferus a diddorol lle bu'r C么r yn perfformio. Dywedodd sut yr oedd yn ymfalchio yng Nghymreictod y C么r a sut yr oedd y Cymreictod hwnnw yn cael ei adlewyrchu ym mywyd cymdeithasol a chanu'r C么r. Yna diolchodd yn ei habsenoldeb i Margaret Williams, cyfeilyddes y C么r, am ei chyfraniad amhrisiadwy. I derfynu diolchodd i'r aelodau am eu teyrngarwch a'u dyfalbarhad ar hyd y blynyddoedd.
Daethpwyd 芒'r noson i ben trwy ganu'r anthem genedlaethol.
听
