³ÉÈËÂÛ̳

Fe'm ganed yn Nhanysgafell, Bethesda ym 1964, yr ieuengaf o dri mab i Maldwyn a Joyce Williams.

Mynychais Ysgol Tregarth ac Ysgol Dyffryn Ogwen cyn ymuno a Manweb i wneud prentisiaeth fel trydanwr, gan weithio yn depo Caernarfon am 16 mlynedd. Rwy'n briod a Sue ac mae gennym ddau o blant (drwg!) Kirsty a Kieren.

Bum yn ffodus yn 1995 o gael tenantiaeth Gwern Gof Uchaf ac yno yr ydym yn ffermio llawn amser.

Yn 2005 penderfynwyd agor 'Cig Ogwen' lle mae llawer ohonoch yn gweld Gwyndaf bob wythnos a finnau weithiau! Dyma gyfle i ddiolch i bawb am eich cefnogaeth.

Beth fyddwch yn mwynhau ei wneud yn eich amser hamdden?

Ffermio!

Oes gennych hoff le yng Nghymru?

Cwm Tryfan - cerdded i fyny Braich y Ddeugwm, ac edrych i lawr dras y stoc ar ddiwrnod braf.

Oes gennych hoff le y tu allan i Gymru?

Yr Yorkshire Dales - heb fod yno ers talwm ond mae gennyf atgofion melys o wyliau yno yng nghwmni Sue a'r plantos.

Beth yw eich hoff fwyd?

Cinio dydd Sul wrth gwrs - tatws rhost a chig Ileol.

Beth yw eich hoff raglen Gymraeg ar S4C?

Methu dewis rhwng dwy raglen sef Cefn Gwlad a C'mon Midffild.

Pwy yw eich hoff actor/actores o Gymru? Neu gyflwynydd? Pwy ond Dai Jones - mae o wastad yn gallu'n diddanu.

A oes gennych hoff Iyfr Cymraeg?

'Oes o Fyw ar y Mynydd' gan Margaret Roberts o Glan Llugwy

Beth yw'r cyngor gorau a gawsoch erioed?

Cau dy geg a gwranda!

Beth sy'n eich gwylltio'n gacwn?

Gwaith papur heb fod eisiau, canolfannau galw a llysieuwyr!

Beth sy'n eich gwneud yn hapus?

Lerpwl yn curo Manchester United!