³ÉÈËÂÛ̳

Ymwelodd Dr. Roland Jones, mab John ac Audrey Jones, Penybelan, Llanfair Caereinion â Phalas Buckingham yn ddiweddar i dderbyn Gwobr Arbennig y Frenhines ar gyfer Addysg Uwch ac Addysg Bellach.

Mae Dr Jones yn Ddarlithydd ym M h r i f y s g o I Caerdydd ac yn gwneud ymchwil i'r berthynas rhwng alcohol a thrais mewn pobl ifanc.

Mae'n aelod o Grŵp Ymchwil Caerdydd i Drais a Chymdeithas o dan arweiniad yr Athro Jonathan Shepherd, a enillodd y wobr bwysig hon eleni.

Rhoddir y wobr i brifysgolion a cholegau addysg bellach am waith a ragoriaeth eithriadol. Mae gwaith y grŵp o Gaerdydd wedi derbyn sylw cenedlaethol a rhyngwladol am ei ymchwil I geisio esbonio achosion trais mewn pobl ifanc.

Mae ymchwil y grŵp hefyd wedi helpu i oleuo polisi'r llywodraeth ar drwyddedu a phlismona alcohol.

Mae Dr Jones yn gyn Brif Fachgen yn Ysgol Uwchradd Caereinion. Cwblhaodd ei hyfforddiant meddygol yn Lerpwl ym 1997 ac yna arbenigodd mewn seiciatreg, gan hyfforddi yn Ysbyty Maudsley yn Llundain.

Dyfarnwyd Cymrodoriaeth Winston Churchill iddo yn 2003 a roddodd gyfle iddo wneud ymchwil yn America ac Awstralia i'r defnydd o dechnoleg fideo-gynadledda I gynnal cyfweliadau seiciatrig.

Cwblhaodd MSc mewn Epidemioleg yn Llundain ac fe'i penodwyd yn ddarlithydd ym Mhrifysgol Caerdydd yn 2007.

Y llynedd cafodd Gymrodoriaeth Ymchwil gan y Cynulliad a'r Cyngor Ymchwil Meddygol ac mae bellach yn darllen am PhD.

Mae ganddo hefyd ddyletswyddau clinigol fel seiciatrydd fforensig ymgynghorol yn Sir Fynwy.

Dymunwn bob rhwyddineb iddo yn ei waith yng Nghaerdydd.