|
Daeth cynulleidfa luosog iawn o bob rhan o Feirionnydd ynghyd i ddangos eu cefnogaeth i'r Eisteddfod.
Wedi llwyddiant ysgubol Eisteddfod 1997 mae'n amlwg bod Swyddogion yr Eisteddfod yn awyddus iawn i'w gweld yn dychwelyd i Feirionnydd yn 2009 ac roedd y nifer ddaeth ynghyd yn profi mai dyna yw dymuniad pobl Meirionnydd hefyd.
Mynegodd Elfyn Llwydd hynny'n ffurfiol trwy wahodd yr Eisteddfod yn 么l i 'Grud diwylliant Cymru' fel y dywedodd.
Pwysleisiodd bod tair elfen hanfodol i bob Eisteddfod sef y lleoliad, ewyllys yr ardal i weld yr Eisteddfod yno ac wrth gwrs, diwedd pob c芒n yw'r geiniog.
Er bod pryderon am fod Cyngor Gwynedd wedi nodi na fyddant yn medru cyfrannu arian ychwanegol at yr Eisteddfod hon, fe leddfwyd peth ar y pryderon hynny pan gyhoeddodd Llywydd y Llys, D Hugh Thomas ei fod yn bwriadu sefydlu Cronfa ac y byddai'n cysylltu 芒 chant p gyn drigolion Meirionnydd i ofyn iddyn drefnu gweithgareddau i godi arian tuag at Eisteddfod 2009.
Nododd ei fod yn gobeithio medru codi dros 拢100,000 fel hyn.
Esboniodd Hywel Edwards bod yr Eisteddfod wedi newid y drefn o gynnal pwyllgorau i ddewis testunau ac y gellid cyflawni'r rhan fwyaf o'r gwaith mewn cyfnod byr o tua chwe wythnos erbyn hyn.
Gan fod y cyfan yn swyddogol o hyn ymlaen fe gawn ni edrych ymlaen o ddifri am groesawu'r Eisteddfod eto. O dorchi llewys a chydweithio fe allwn sicrhau y bydd Eisteddfod 2009 hefyd yn un i'w chofio.
 |
听
