Hitch
Yn nwylo Doctor Serch
Hitch 
Y s锚r
Will Smith, Eva Mendes, Kevin James, Amber Valletta, Julie Ann Emery, Robinne Lee
Cyfarwyddwr
Andy Tennant
Sgrifennu
Kevin Bisch
Hyd
118 munud
Sut ffilm
Comedi ramant gyda Will Smith yn chwarae rhan ymgynghorydd sy'n rhoi cynghorion serch i ddynion sy'n cael trafferth hudo merched.
Y stori
Er na chaiff unrhyw drafferth trefnu i bobl eraill syrthio mewn cariad 芒'i gilydd mae'r meddyg serch, Alex Hitch Hitchens (Will Smith), mewn dyfroedd rhwfaint yn ddyfnach pan yw'n fater o'i berthynas ef a'r newyddiadurwraig, Sara (Eva Mendes).
Nid yn unig mae o mewn cariad 芒 hi ond mae'n allweddol i'r ffilm hefyd nad yw hi'n darganfod natur ei waith - yn hyfforddi dynion sut i swyno merched a'u cael nhw i syrthio mewn cariad 芒 hwy.
Ochr yn ochr 芒'r stori am berthynas Hitch a Sara mae un arall am Hitch yn cynllwynio carwriaeth rhwng cyfrifydd tew, afrosgo a swil, Bernie (Kevin James) a miliwnyddes dlos, Allegra Cole (Amber Valletta)
Er mwyn ymestyn y ffilm cyflwynir m芒n enghreifftiau eraill o gelfyddyd wyrthiol Hitch - gydag un ohonyn nhw yn achosi poen a phryder i ffrind Sara ac yn suro'r berthynas rhwng y doctor serch a'r newyddiadurwraig.
Y darnau gorau
Mae sawl darn digon diddan:
Y cyfarfod d锚tio brys.
Dysgu Bernie sut mae cusanu merch. Adnod fawr Hitch yw y gall wyth merch allan o bob deg ddarogan llwyddiant neu fethiant perthynas ar sail y gusan gyntaf!
Perfformiadau
Mae Smith mor llyfn, ffraeth ac atyniadol ag erioed ond o ran bod yn gymeriad mae'n anodd curo James fel Albert drwsgwl sy'n baglu ar draws popeth.
Gystal 芒'r trelar?
Ydi ond bod y ffilm braidd yn hir!
Y canlyniad
Bydd rhai yn ystyried Hitch fel ffilm sydd gryn hanner awr yn rhy hir ond er gwaethaf hynny dydi hi ddim yn llusgo ac y mae digonedd o hwyl i'w gael gyda golygfeydd doniol a sgriptio digon ffraeth ar y cyfan.
Mae'r darnau troslais gan Smith yn gweithio'n ddigon del.
Geiriau cofiadwy
"Mae gan bob dyn y ddawn i sgubo merch oddi ar ei thraed - y cyfan ydych chi ei angen ydi'r brws iawn," meddai Hitch
"Nid y nifer o weithiau yr ydych chi'n cymryd eich gynt ydi bywyd ond nifer y profiadau sy'n mynd a'ch gwynt." Hitch.
Ambell i farn
Derbyniol a boddhaol yw'r farn gyffredinol. Nid yw'r un beirniad yn mynd dros ben llestri gyda'r ffilm hon.
Gwerth mynd i'w gweld?
Ydi - ond byddwch yn barod i lyncu'r hyn a gewch heb gnoi cil.Er yn dd锚t gyntaf ddymunol dydi Hitch ddim yn yn dd锚t fythgofiadwy!
 |
Ychwanegwch eich sylwadau i'r dudalen fan hyn:
|
|
 |
|
|
