Shark Tale
Dan y Don dan y don
Shark Tale
Y s锚r
Will Smith, Ren茅e Zellweger, Robert De Niro, Martin Scorsese, Jack Black, Angelina Jolie
Cyfarwyddo
Bibo Bergeron, Vicky Jenson, Rob Letterman
Sgrifennu
Rob Letterman, Damian Shannon, Mark Swift, Michael J Wilson
Hyd
90 munud
Sut ffilm
Ffilm gart诺n liwgar ond siomedig am fyd pysgod a siarcod Maffiaidd gyda lleng o leisiau cyfrawydd.
Y stori
Daw sgodyn powld a chegog, Oscar (Will Smith) i helynt wrth fynnu amlygrwydd trwy smalio ei fod wedi lladd siarc.
Mae hynny'n ennyn llid 'tad' y siarcod, Don Lino (Robert De Niro) sydd am ddial am farwolaeth un o'i hoff blant.
Gydag Oscar druan dan y Don dan y don, fel petai, caiff gymorth annisgwyl mab arall Don Lino (Jack Black) - siarc addfwyn sy'n destun siom i'r Don oherwydd ei fod yn llysieuydd sy'n methu lladd unrhyw greadur byw arall.
Y canlyniad
Glastwr go iawn heb stori nad yw'n gafael ond sy'n sydyn droi'n ferddwr o syrffed.
Er yn ddoniol ar y cychwyn dydi'r j么cs pysgodaidd, ychwaith, ddim digon i achub hon rhag suddo.
Rhagoriaeth ffilmiau diweddar fel Shrek oedd eu llwyddiant yn apelio at rai o bob oed gyda chymysgedd gywrain o ddoniolwch ar gyfer plant ac oedolion ond methwyd a chyflawni hynny yma gan fod Shark Tale yn rhy blentynnaidd i apelio at oedolion a go brin y bydd plant yn gwerthfawrogi'r elfen o ddoniolwch mewn troi siarcod yn Faffia Eidalaidd.
Y darnau gorau
Mae'r trafod teuluol rhwng y siarcod Maffia yn codi gw锚n i ddechrau ond buan y cyll y j么c ei min.
Mae'r syniad o gael llipryn o siarc sy'n llysieuydd yn dda, fodd bynnag.
Perfformiadau
Posib mai'r perfformiad gorau ydi Martin Scorsese fel pysgodyn gwynt sy'n chwyddo ac yn crebachu yn 么l ei hwyliau.
Er yn ffraeth a pharablus does gan Will Smith ddim byd newydd na gwreiddiol i'w gynnig ac mae De Niro fel y penteulu Maffia yn ystrydebol.
Gystal 芒'r trelar?
Codai'r trelar obeithion am andros o ffilm dda.
Ambell i farn
Dywedir dro ar 么l tro nad yw Shark Tale ond yn gysgod gwan o Finding Nemo a gafodd gymaint o ganmoliaeth.
Yn 么l gwefan Saesneg y 成人论坛 byddai gan bysgodyn aur dall mewn powlen fwy o weledigaeth na chynhyrchwyr hon, DreamWorks.
Wedi cychwyn cymysglyd mae'r stori'n suddo, ychwanega, i ddyfnderoedd eithaf gwiriondeb.
Syrffedus a thamp, meddai beirniad arall ac yn 么l y Christian Science Monitor nid yn unig mae'r sgript ymhell o fod yn ddoniol ond mae'r animeiddio yr un mor ddigyffro.
Ond fe welodd ambell i feirniad prin j么cs gwych a pharodi gogleisiol - ond prin yw'r ganmoliaeth ac mae'n anodd anghydweld 芒'r sawl sy'n dweud y bydd ar gael am sylltau ar silffoedd bargen y siopau fideo cyn pen blwyddyn.
Ambell i air
Mewn dialog sy'n aml yn ystrydebol mae ambell fflach o ffraethineb.
"Dan yr wyneb yr ydw i'n wirioneddol arwynebol."
"Paid a chymryd y peth yn bersonol - mi ddwedais i gelwydd wrth bawb."
Gwerth mynd i'w gweld
Go brin - a bydd angen llwyth o bopcorn i gadw'r plant yn llonydd.
 |
Ychwanegwch eich sylwadau i'r dudalen fan hyn:
|
|
 |
|
|
